Avropanın əksər ölkələrindən fərqli olaraq Niderlandda vizaya tələbə özbaşına müraciət edə bilməz. Siz bütün maliyyəni (təhsil+yaşam xərci) universitetin hesabına köçürürsünüz və universitet IND sisteminə sizin adınızdan müraciət edir.
Niderlandda universitetlər tələbələrə yataqxana zəmanəti vermir. Tələbələr Room.nl kimi platformalarda aylarla əvvəldən növbəyə durmalı və mənzili baha qiymətə özləri kirayə tapmalıdırlar. Buna görə müraciətlər çox erkən olmalıdır.
BSN sizin Niderlandda rəsmi identifikasiya nömrənizdir. Ölkəyə çatan kimi Bələdiyyədə (Gemeente) qeydiyyata düşüb BSN almalısınız. BSN olmadan bank hesabı aça, ev kirayəyə götürə, sağlamlıq sığortası ala və ya part-time işləyə bilməzsiniz.
Niderlandda hər iki diplom yüksək səviyyəli sayılır. Əgər gələcəkdə akademik, alim və ya rəhbər menecer olmaq istəyirsinizsə WO daha güclüdür. Lakin birbaşa spesifik texniki/peşəkar kadr kimi dərhal iş tapmaq istəyirsinizsə HBO daha cəlbedicidir.
Bəzi çox məşhur və kütləvi müraciət olunan ixtisaslarda (Tibb, Süni İntellekt, Psixologiya, Kompüter Elmləri) hökumət tərəfindən yer (kvota) məhdudiyyəti qoyulur. Qəbul yalnız GPA ilə deyil, universitetin xüsusi daxili seçmə imtahanı ilə aparılır.
Niderlandda icbari tibbi sığorta (Basic Health Insurance) çox baha olduğu üçün (aylıq ~130€), əgər siz part-time işləyirsinizsə və gəliriniz aşağıdırsa, dövlət ‘Zorgtoeslag’ proqramı çərçivəsində bu sığorta məbləğinin çox böyük hissəsini sizə hər ay geri qaytarır.
Təəssüf ki, DUO (aylıq maliyyə krediti və pulsuz ictimai nəqliyyat təmin edən qlobal ‘Student Travel Product’) əsasən EU (Avropa İttifaqı) vətəndaşlarına aiddir. Qeyri-AB vətəndaşları (azərbaycanlılar) yalnız qanuni olaraq müəyyən saat part-time işlədikləri təqdirdə buna uyğun ola bilərlər.
İlk ilin viza müraciəti zamanı rüsum və yaşam xərci tam olaraq 1 illik universitetə depozit kimi ödənilməlidir (Hollandiya qanunu). Lakin 2-ci və sonrakı kurslarda universitetlər rüsumu 5-10 aylıq hissələrə bölməyə (taksit etməyə) qanuni olaraq imkan verirlər.
Çünki Akademik Araşdırma (WO) universitetlərinin təməl məqsədi sizi şirkət işçisi yox, alim, analitik və tədqiqatçı kimi yetişdirməkdir. Əgər dərslərin tərkibində birbaşa şirkət stajı (təcrübə) axtarırsınızsa, Niderlandda mütləq Tətbiqi Elmlər (HBO) universitetlərini seçməlisiniz.
Xaricdə təhsil xəyallarınızı gerçəkləşdirən qlobal təhsil və karyera agentliyi. Peşəkar yanaşma, mütləq şəffaflıq.
Təhsil dünyasında baş verən yeniliklərdən, Təqaüd proqramlarından və karyera fürsətlərindən xəbərdar olmaq üçün abunə olun.
©2026. econelli