Bəli, Fransada oxuyan əcnəbi tələbələr də daxil olmaqla, CAF dövlət qurumu tələbələrin aylıq ev/yataqxana kirayəsinin böyük bir hissəsini (bəzən 30-40%) geri ödəyərək tələbələrə unikal maliyyə yardımı göstərir.
CVEC (Tələbə və Kampus Həyatı Katqısı) hər bir tələbənin illik ödəməli olduğu (təxminən 100 Avro) dövlət rüsumudur. Bu rüsum tələbə şəhərciklərində idman, mədəniyyət və səhiyyə xidmətlərini inkişaf etdirmək üçün istifadə olunur.
Dövlət universitetlərinə qəbul asandır, tələbə sayı çoxdur və rüsum ucuzdur. Grandes Écoles isə ölkənin elitasını yetişdirən, qəbulu çox çətin olan, reytinqli və korporativ şirkətlərlə birbaşa işləyən yüksək ödənişli prestijli institutlardır.
Bəli, xüsusən ‘Grandes Écoles’ və magistratura proqramlarında ‘Alternance’ (Tədris və Təcrübənin birgə gedişi) çox məşhurdur. Belə olanda şirkət sizin təhsil haqqınızı ödəyir və sizə tələbə kimi yox, işçi kimi rəsmi maaş verir.
Fransada tələbələrin işlədiyi part-time işlər üçün qanuni minimum saatlıq əmək haqqı (SMIC) brüt olaraq təxminən 11.65 Avrodur. Bu məbləğdən vergi çıxıldıqdan sonra tələbənin əlinə net olaraq saatda 9-10 Avro keçir.
Xeyr, olduqca rəqabətlidir. CROUS (dövlət tələbə servisi) yataqxanaları çox ucuz (aylıq 200-400€) olduğu üçün yerlər dərhal dolur. Beynəlxalq tələbələr, xüsusilə də dövlət təqaüdçüləri müraciət etdikdə digərlərinə nisbətən daha öncəlikli sayılırlar.
Əgər Fransada ‘Classes Préparatoires’ (2 illik çox çətin hazırlıq) oxumamısınızsa, beynəlxalq tələbələr üçün xüsusi ‘Concours’ adlı giriş imtahanları və ya dosye üzərindən çox sərt qiymətləndirmə + müsahibə prosesi həyata keçirilir.
APS (Autorisation Provisoire de Séjour) magistraturanı bitirən tələbələrə 1 il (bəzi ölkələr üçün 2 il) ölkədə qalıb ixtisas üzrə iş axtarmaq imkanı verir. Fransız dilini (min B2) mükəmməl bilənlər üçün, xüsusən İT, Mühəndislik və Maliyyə sahələrində iş tapmaq şansı çox yüksəkdir.
Universitetlərin çoxu (Bakalavr üçün) minimum B2 səviyyəsi tələb edir, lakin Magistratura, Hüquq və Humanitar fənlər üçün adətən C1 mütləqdir. TCF 2 illik etibarlılığı olan testdir, DELF/DALF sertifikatları isə ömürlük etibarlıdır və akademiyada daha çox hörmətə malikdir.
Fransaya çatdıqda mütləq bir ünvana qeydiyyata düşməlisiniz (Justificatif de domicile). Bu sənəd və pasportunuzla yerli banklara (Societe Generale, BNP Paribas) müraciət edib hesab açırsınız. Telefon nömrəsi almaq üçünsə əsasən bank kartınızın (RIB sənədinin) olması tələb edilir.
Xaricdə təhsil xəyallarınızı gerçəkləşdirən qlobal təhsil və karyera agentliyi. Peşəkar yanaşma, mütləq şəffaflıq.
Təhsil dünyasında baş verən yeniliklərdən, Təqaüd proqramlarından və karyera fürsətlərindən xəbərdar olmaq üçün abunə olun.
©2026. econelli