Niyə Məhz Bu Ölkə ?
Dünyaca məşhur tədqiqat universitetlərində (Lund, Uppsala, KTH Royal Institute) mükəmməl təhsil; cəmiyyətin 90%-dən çoxunun ingilis dilində sərbəst danışması; qeyri-formal (müəllimə adı ilə müraciət edilən) və bərabərhüquqlu akademik mühit. Ən əsası, məzun olduqdan sonra tələbələrə iş axtarmaq və ya startap qurmaq üçün avtomatik 1 illik viza uzadılması hüququ verilir.
Universitet Növləri
Klassik Tədqiqat Universitetləri (Universities - nəzəriyyə və qlobal elmi araşdırmalara fokuslanan, PhD verən) və Tətbiqi Elmlər yönümlü Universitet Kollecləri (University Colleges - daha çox praktikaya və iş bazarına hesablanmış proqramlar).
Təhsil Müddəti
Bakalavr proqramları (Bachelor's degree) tam olaraq 3 il (180 ECTS) davam edir. Magistratura dərəcəsi isə intensiv 1 illik (60 ECTS) və ya daha dərin tədqiqat yönümlü 2 illik (120 ECTS) ola bilər. Doktorantura (PhD) mütəmadi olaraq 4 ildir.
Tədris Dili
İsveç dili və İngilis dili. Beynəlxalq tələbələr üçün ingilis dilində 1000-dən çox geniş çeşidli bakalavr və xüsusilə magistratura proqramı tam əlçatandır və yerli dili öyrənmək məcburi deyil.
İllik təhsil haqqı
Avropa İttifaqı (Aİ) vətəndaşları üçün təhsil pulsuzdur. Azərbaycan (və digər Aİ-dən kənar) tələbələri üçün proqramın növündən asılı olaraq illik 80,000 - 150,000 SEK (təxminən 8,000 - 15,000 EUR) arasında dəyişir. Arxitektura və dizayn proqramları adətən daha bahalıdır.
Qəbul və Dil Şərtləri
Bakalavr pilləsi üçün tam orta təhsil haqqında attestat (ləkin birbaşa qəbul üçün bəzən əlavə 1 illik universitet təhsili, beynəlxalq Foundation, A-Level/IB və ya fənlər üzrə - riyaziyyat kimi - spesifik göstəricilər tələb oluna bilər). Magistratura üçün isə müvafiq sahə üzrə tanınmış bakalavr diplomu mütləqdir.
Bakalavr və magistratura üçün əksər proqramlarda ingilis dili səviyyəsi "English 6" tələb olunur ki, bu da IELTS Akademik 6.5 (heç bir bölmə 5.5-dən aşağı olmamaqla) və ya TOEFL iBT 90 (yazı minimum 20) sertifikatına tam bərabərdir.
Unutmayaq ki, hər bir universitet və ixtisasdan asılı olaraq əlavə və fərqli sənəd tələb oluna bilər. Bunu dəqiqləşdirmək və sənədləşmə prosedurunun doğru aparılması üçün komandamıza müraciət edə bilərsiniz.
Aylıq Yaşam Xərcləri
Tələbələrin gündəlik xərcləri (yataqxana və ya ev kirayəsi, qida, nəqliyyat, internet və sığorta daxil olmaqla) şəhərdən asılı olaraq aylıq təxminən 8,500 - 11,000 SEK (800 - 1,100 EUR) təşkil edir. Stokholm və Göteborqda xərclər daha yüksək, kiçik tələbə şəhərlərində isə nisbətən aşağıdır.
Dövlət təqaüdləri və əhatəsi
İsveç İnstitutunun (Swedish Institute - SI) qlobal mütəxəssislər üçün tam dövlət təqaüdü mövcuddur (lakin ölkələrin siyahısı hər il yenilənir və Azərbaycanın daxil olub-olmaması yoxlanılmalıdır). Həmçinin, universitetlərin özləri daxili ləyaqət (Merit-based) təqaüdləri ayırırlar.
Universitet təqaüdləri əsasən yalnız təhsil haqqını qarşılayır (25%, 50% və ya 100% miqdarında endirim formasında). Əgər qüvvədə olarsa, SI qlobal təqaüdü isə təhsil haqqını tam silir, aylıq 12,000 SEK stependiya verir, sığorta və səyahət xərclərini əhatə edir.
Maliyyə Təminatı
Yaşayış icazəsi müraciətində 1 illik yaşam xərclərini qarşılayacaq rəsmi minimum məbləğ (hər ay üçün təxminən 9,450 SEK) tələbənin öz adına olan bank hesabında dondurulmadan, lakin hazır şəkildə göstərilməlidir. Həmçinin ilk semestrin təhsil haqqı ödənilmiş olmalıdır.
Unutmayaq ki, bu rəqəm mütəmadi olaraq dəyişə bilər. Bunu dəqiqləşdirmək və sənədləşmə prosedurunun doğru aparılması üçün komandamıza müraciət edə bilərsiniz.
İş İmkanları
İsveç beynəlxalq tələbələrə ən geniş iş hüquqları verən ölkələrdəndir. Təhsil aldığınız müddətdə iş saatlarına heç bir limit yoxdur (limitsiz part-time/full-time). Məzun olduqdan sonra isə ixtisasınız üzrə iş tapmaq üçün yaşayış icazənizi tam 12 ay uzatmaq şansınız var.
Müraciət Tarixləri
Payız semestri (əsas qəbul) üçün mərkəzləşdirilmiş sistem üzərindən müraciətlər adətən oktyabrın ortalarında başlayır və yanvar ayının ortalarında (15 Yanvar) sərt deadline ilə başa çatır.
Sənədləşmə Prosesinə Başlayaq?
Bu ölkə üçün lazım olan bütün sənədlərin toplanması və viza prosedurunu peşəkarlara həvalə edin.
Tez-tez Verilən Suallar (FAQ)
