Niyə Məhz Bu Ölkə ?
Tam rəqəmsallaşmış və bürokratiyasız innovativ cəmiyyət; Skype, Bolt, Wise kimi nəhənglərin formalaşdırdığı bənzərsiz startap ekosistemi; çox əlçatan təhsil və yaşayış xərcləri. Həmçinin ingilis dilində yüksək keyfiyyətli proqramlar və təhsildən sonra iş axtarmaq üçün heç bir şərtsiz 9 aylıq viza uzadılması hüququ mühüm üstünlüklərdir.
Universitet Növləri
Beynəlxalq reytinqlərdə yer alan klassik Dövlət Universitetləri (Tartu Universiteti əsasən nəzəri və fundamental elmlər, TalTech isə mühəndislik və İT üzrə liderdir) və ixtisaslaşmış Tətbiqi Elmlər (Applied Sciences) ali təhsil müəssisələri.
Təhsil Müddəti
Bakalavr dərəcəsi proqramdan asılı olaraq əsasən 3 il (bəzi mühəndislik proqramlarında 4 il). Magistratura proqramları ixtisasa uyğun olaraq 1 və ya 2 il. Doktorantura (PhD) isə standart olaraq 4 il davam edir.
Tədris Dili
Eston və İngilis dilləri. Ölkədə rəqəmsallaşma ilə yanaşı, beynəlmiləlləşməyə də böyük önəm verildiyi üçün beynəlxalq tələbələr üçün ingilis dilində tam tədris olunan 100-dən çox müxtəlif bakalavr, magistr və PhD dərəcə proqramı təklif edilir.
İllik təhsil haqqı
İngilis dilində tədris olunan proqramlar üçün illik təhsil haqqı əsasən 3,000 - 6,000 EUR arasında dəyişir (Tibb və səhiyyə proqramları daha bahadır - təxminən 12,000 EUR). İT və bəzi mühəndislik proqramlarında "Tuition-waiver" (ödənişsiz) yerlərin sayı kifayət qədər çoxdur.
Qəbul və Dil Şərtləri
Bakalavr üçün orta təhsil attestatı (əksər hallarda universitet daxili onlayn riyaziyyat/məntiq testləri və motivasiya müsahibəsi aparılır). Magistratura üçün isə proqrama uyğun məzmunda tanınmış bakalavr dərəcəsi və yaxşı akademik ortalama (GPA) vacibdir.
Bütün ingilis dilli proqramlar üçün ümumi beynəlxalq standart: IELTS Akademik və ya TOEFL iBT qəbul edir. Bəzi xüsusi universitet proqramları Duolingo sertifikatını da rəsmi olaraq qəbul edir.
Aylıq Yaşam Xərcləri
Estoniya Şimali Avropada ən sərfəli yaşayış indeksinə malikdir. Yataqxana və ya ortaq kirayə, qida, nəqliyyat və kommunal xərclər daxil olmaqla bir tələbənin aylıq minimum xərci təxminən 500 - 800 EUR təşkil edir. İctimai nəqliyyat isə Tallinn sakinləri üçün tamamilə pulsuzdur.
Dövlət təqaüdləri və əhatəsi
Dövlət səviyyəsində Estoniya hökumətinin xüsusi DORA Plus təqaüdləri və Xarici İşlər Nazirliyinin (MFA) təqaüdləri var. Ən geniş yayılanı isə universitetlərin yüksək bal toplayan tələbələrə verdiyi 'Tuition-waiver' (təhsil haqqından tam azad olunma) qrantlarıdır.
Tuition-waiver qazanan tələbə bütün təhsil müddəti (məsələn 3 il) ərzində təhsil haqqını ödəməkdən tam azad olunur. Xüsusi dövlət təqaüdləri (DORA və ya MFA) isə əlavə olaraq aylıq 350-400 EUR civarında yaşam xərci stependiyası da təmin edə bilər.
Maliyyə Təminatı
Viza (TRP) üçün müraciət edərkən 1 illik yaşayış xərclərini (dövlət tərəfindən müəyyən edilmiş aylıq minimum qanuni yaşayış məbləği əsasında) qarşılaya biləcək qədər vəsaitin sizin hesabınızda və ya sponsorun (valideynin) hesabında olduğunu göstərən bank çıxarışı tələb olunur.
Dondurulmuş Hesab Tələb Olunmur: ABŞ və ya Böyük Britaniyadan fərqli olaraq, sizdən bütün 1, 2 və ya 3 illik təhsil dövrünüzün tam məbləğini əvvəlcədən dondurub göstərmək tələb olunmur. Əsas məsələ odur ki, TRP müraciətindən əvvəlki son 6 ay ərzində mütəmadi olaraq sizin (və ya valideyninizin) həmin məbləği (aylıq minimum 880 Avro) qarşılaya biləcək qanuni gəlirinin olduğunu sübut edəsiniz.
Əgər valideynləriniz (sponsorunuz) sizi maliyyələşdirəcəksə, onların bank çıxarışı və iş yerindən rəsmi gəlir/maaş arayışı mütləq təqdim edilməlidir. Gəlirin mənşəyi (qanuniliyi) ciddi yoxlanılır.
Estoniya dövlətindən, universitetdən (məsələn, aylıq stependiya ilə birlikdə verilən) və ya başqa rəsmi mənbədən təqaüd qazanmısınızsa və həmin təqaüdün miqdarı tələb olunan aylıq məbləği tam və ya qismən qarşılayırsa, qəbul/təqaüd məktubunu da qanuni gəlir sübutu kimi təqdim edə bilərsiniz.
Unutmayaq ki, hər il bu məbləğ müəyyən qədər dəyişə bilər. Bunu dəqiqləşdirmək və sənədləşmə prosedurunun doğru aparılması üçün komandamıza müraciət edin.
İş İmkanları
Beynəlxalq tələbələr Estoniyada oxuduqları müddətdə akademik dərslərinə (kreditlərin toplanmasına) mane olmamaq şərtilə hər hansı xüsusi iş icazəsi almadan limitsiz şəkildə part-time və ya full-time işləyə bilərlər. Məzun olduqdan sonra isə iş axtarmaq üçün viza 9 ay uzadılır.
Müraciət Tarixləri
Estoniya universitetlərində mərkəzləşdirilmiş DreamApply sistemi vasitəsilə qəbul prosesi əsasən yanvar ayının əvvəlində başlayır. Universitet və proqramın növündən asılı olaraq müraciət son tarixləri martın ortasından aprelin ortasına qədər davam edir.
Sənədləşmə Prosesinə Başlayaq?
Bu ölkə üçün lazım olan bütün sənədlərin toplanması və viza prosedurunu peşəkarlara həvalə edin.
Tez-tez Verilən Suallar (FAQ)
