Bu bloq yazısında 2026-cı ilin ən son rəsmi dövlət qaydalarına əsaslanaraq, təhsil haqqı tələb etməyən (və ya çox ucuz olan) 5 ölkəni və qəbul şərtlərini bir araya topladıq.
Almaniya: Dünyanın Əlçatan Təhsil Mərkəzi
Almaniya beynəlxalq tələbələrə tam ödənişsiz dövlət universiteti təhsili təklif edən ən populyar ölkədir. Almaniyada təhsilin keyfiyyəti yüksək, lakin qiyməti demək olar ki, sıfırdır.
-
- Təhsil Haqqı: 0 Avro (Bakalavr və əksər Magistratura proqramları üçün).
-
- Nə ödəməlisiniz? Tələbələr hər semestr sadəcə “Semesterbeitrag” adlanan inzibati töhfə ödəyirlər. Bu məbləğ universitetdən asılı olaraq 100 – 430 Avro arasında dəyişir. Bu ödənişin içinə həm tələbə həmkarlar ittifaqının xərcləri, həm də bütün Almaniya üzrə (və ya müvafiq regionda) istifadə edə biləcəyiniz pulsuz ictimai nəqliyyat bileti (Semesterticket) daxildir.
-
- Diqqət etməli olduğunuz istisna: Almaniyanın 16 federal əyalətindən 15-i pulsuzdur. Yalnız Baden-Vürttembergəyaləti Avropa İttifaqından kənar (Non-EU) tələbələr üçün hər semestr 1,500 Avro təhsil haqqı tələb edir. Bəzi xüsusi ingilis dilli magistr proqramları da pullu ola bilər.
Çexiya: Çex Dilində 100% Pulsuz Təhsil
Mərkəzi Avropanın qəlbində yerləşən Çexiya, xarici tələbələr üçün möhtəşəm bir qanuna sahibdir: Tədris dilindən asılı olaraq təhsil haqqı müəyyən edilir.
-
- Təhsil Haqqı (Çex dilində): 0 CZK (Çex Kronu). Çexiya qanunvericiliyinə əsasən, milliyyətindən asılı olmayaraq, çex dilində təhsil alan hər kəs üçün dövlət universitetləri tamamilə pulsuzdur.
-
- İngilis dilində vəziyyət necədir? Əgər ixtisası ingilis dilində oxumaq istəsəniz, o zaman təhsil pulludur. Buna görə də bir çox tələbə birinci il Çexiyada dil hazırlığı (Foundation) kursu keçir, dili öyrənir və daha sonra 3 və ya 4 illik bakalavr/magistr təhsilini tamamilə pulsuz başa vurur.
İtaliya: Gəlirə Əsaslanan Ödəniş və DSU Təqaüdü Sistemi
İtaliya birbaşa olaraq “təhsil pulsuzdur” demir, lakin yaratdığı sosial sistemlə azərbaycanlı tələbələr üçün Avropadakı ən əlverişli şərtləri təklif edir.
- Təhsil Haqqı: 0 – 156 Avro (Minimum regional vergi). İtaliya dövlət universitetlərində təhsil haqqı ailənin iqtisadi vəziyyətinə əsasən hesablanır. Sənədlərinizi təqdim edərək hazırlatdığınız ISEE Parificato (İqtisadi Vəziyyət Göstəricisi) sənədi sayəsində Azərbaycan gəlirləri Avropa standartlarına nisbətdə aşağı olduğu üçün, illik təhsil haqqınız avtomatik olaraq sıfırlanır. Sizdən yalnız ildə bir dəfə 140-156 Avro civarında məcburi regional vergi tutulur.
- Əlavə üstünlük: Təhsil haqqından azad olmaqla yanaşı, tələbələr regional DSU təqaüdünə müraciət edərək həm illik nağd pul (təqribən 7,171 Avro), həm də pulsuz yataqxana və yeməkxana hüququ qazana bilərlər.
- Rəsmi Mənbə: İtaliya Universitetlər və Tədqiqat Nazirliyi (MUR) –
universitaly.it
Avstriya: Sabit, Limitsiz və Çox Ucuz
Tarixi universitetləri və yüksək həyat səviyyəsi ilə tanınan Avstriya tam pulsuz olmasa da, Amerika, İngiltərə (hətta qonşu Niderland) kimi ölkələrlə müqayisədə inanılmaz dərəcədə ucuzdur.
-
- Təhsil Haqqı: Semestr üçün ~726.72 Avro + 22.70 Avro (ÖH tələbə birliyi rüsumu) = Cəmi ~750 Avro.
-
- Niyə bu siyahıdadır? Avropa İttifaqına daxil olmayan (Non-EU) tələbələr üçün Avstriyanın dövlət universitetlərindəki bu məbləğ sabiti və illik cəmi 1,500 Avro (təxminən 2,750 AZN) təşkil edir. Bu, yüksək keyfiyyətli Avropa təhsili üçün simvolik bir rəqəmdir və universitetdən-universitetə dəyişmir.
İslandiya: Təhsil Haqqı Yoxdur, Yalnız Qeydiyyat Rüsumu
Bəlkə də axtarışlarda ən az qarşınıza çıxan, lakin Avropanın ən yüksək refah səviyyəsinə malik ölkələrindən biri olan İslandiya da qapılarını xarici tələbələrin üzünə açıb.
- Təhsil Haqqı: 0 Avro. İslandiyanın dövlət universitetləri (məsələn, University of Iceland) dərəcə proqramları üçün heç bir beynəlxalq tələbədən (Avropa və ya qeyri-Avropa) təhsil haqqı tələb etmir.
- Nə ödəməlisiniz? Tələbələr yalnız ildə bir dəfə 75,000 ISK (təxminən 500 Avro) məbləğində qeydiyyat rüsumu (registration fee) ödəyirlər.
- Diqqət etməli olduğunuz məqam: Təhsil ödənişsiz olsa da, İslandiyada yaşayış xərcləri (kirayə, qida) digər Avropa ölkələri ilə müqayisədə kifayət qədər bahadır. Viza (yaşayış icazəsi) almaq üçün hesabınızda aylıq ən az 1,000 Avroya yaxın vəsaitin olduğunu sübut etməlisiniz.
Sənədləşmə Prosesinə Başlayaq?
Bu ölkə üçün lazım olan bütün sənədlərin toplanması və viza prosedurunu peşəkarlara həvalə edin.
Pulsuz məsləhət alın
Mütəxəssislərimiz sizə xaricdə təhsil yolunda ən uyğun variantı tapmaqda kömək edəcək.
Abunə ol
Müraciət tarixlərindən və ən son xəbərlərdən ilk xəbərdar ol
